ماه ربیعده وئرروک سس سسه
تحنیت اولسون قدم نورسه
عالَمه رحمت یلی گلدی اسه
رشته ی تزویر و عنادی کسه

آلدی جهانی نور پیمبر
اولسون موبارک میلاد جعفر

بتکده لر هامیسی ویران اولوب
گور نجه آتشکده خذلان اولوب
کاخ مدائن نجه لرزان اولوب
ساوه ده دریاچه بیابان اولوب

آلدی جهانی نور پیمبر
اولسون موبارک میلاد جعفر

گویلره دوشدی بو گئجه ولوله
خیل ملائک ایلیور هلهله
اولدوزینان زهره وئیریب ال اله
عالَم امکانه دوشوب زلزله

آلدی جهانی نور پیمبر
اولسون موبارک میلاد جعفر

شیعه لره عید مکرر اولدی
چونکه طلوع مه دیگر اولدی
هفدهم ماهیده جعفر اولدی
ذات رسول الله مظهر اولدی

آلدی جهانی نور پیمبر
اولسون موبارک میلاد جعفر

احمد اولوب مایه ی رحمت بیزه
صادق ادیب وضع شریعت بیزه
ذات خدا ایتدی محبت بیزه
وردی نبوتله امامت بیزه

آلدی جهانی نور پیمبر
اولسون موبارک میلاد جعفر

نور نبی حضرت کوثر ده دی
علم نبی حضرت حیدر ده دی
نور هدایت نجه گسترده دی
طلعت زهرا رخ جعفرده دی

آلدی جهانی نور پیمبر
اولسون موبارک میلاد جعفر

دکتر حسن تقی لو زنجانی (سالک)